70 entidades convocan a manifestación nacional en solidariedade coas independentistas da “Operación Jaro”

A decisom da convocatória foi tomada, entidade a entidade, após os respetivos processos de debate interno, de modo que a convocatória conta com um enorme plus de legitimidade política e social inabitual neste tipo de mobilizaçons
Por o 20/04/2017 | Sección: Eventos,Protestas,Vigo
70 entidades convocan a manifestación nacional en solidariedade coas independentistas da “Operación Jaro”

Quase 70 associaçons, centros sociais, partidos, organizaçons políticas e juvenis, sindicatos, grupos feministas, coletivos de defesa da Terra, etc. convocam neste domingo a manifestaçom nacional que reclamará plenas liberdades democráticas na Galiza, o arquivo definitivo do sumário da Operación Jaro e a finalizaçom das montagens policiais rumados a modelar os estados de opiniom da sociedade galega e o mapa político nacional a golpe de Guardia Civil, Audiencia Nacional, satanizaçom mediática e ameaças de cárcere.

A decisom da convocatória foi tomada, entidade a entidade, após os respetivos processos de debate interno, de modo que a convocatória conta com um enorme plus de legitimidade política e social inabitual neste tipo de mobilizaçons. Segundo a interpretaçom das nove pessoas agora processadas, este amplo arroupamento delata o fracasso do cerco social que a montagem pretendeu impor ao independentismo organizado e a notória ilegitimidade que tem este processo de repressom política.

Organizaçons políticas como BNG, Anova-Irmandade Nacionalista, Podemos Galiza ou Causa Galiza, sindicatos como CIG, CUT, FRUGA ou SLG, numerosos centros sociais do País, organizaçons juvenis –ErguerXeira, Briga, Isca!, Galiza Nova, etc.-, movimentos feministas como MNG ou Conas Ceivas, etc., mostram a pluralidade da convocatória e a amplíssima deslegitimaçom social da operaçom dessatada no seu dia polo impar Arsenio Fernández de Mesa.

Convocantes

A continuaçom, ainda à espera de novas incorporaçons de última hora, mostramos a listagem atualizada de entidades que convidam o povo galego a tomar as ruas neste domingo próximo em solidariedade com @s nove independentistas processad@s e para reclamar para o nosso País um marco garantista de liberdades democráticas plenas e reais e o cessamento das montagens policiais e judiciais:

  • Acción Universitaria
  • Agora Galiza
  • Anova-Irmandade Nacionalista
  • Asemblea Nacional das Estudantes Galegas (ANEGA)
  • Asociación Cultural A Galleira (Ourense)
  • Asociación Cultural Fuco Buxán (Ferrol)
  • Asociación de Amizade Galego-Cubana Francisco Villamil
  • Asociación para a Defensa Ecolóxica de Galiza (ADEGA)
  • Asociación para a Defensa da Ria de Ponte Vedra (APDR)
  • Associaçom Antifascista Jimmy sempre com Nós
  • Bloque Nacionalista Galego (BNG)
  • Briga
  • Brigadas Antifascistas Lugo
  • Brigadas Lucenses-Siareiros 2001
  • Causa Galiza
  • Ceivar
  • Centro Social A Comuna (Crunha)
  • Centro Social A Gentalha do Pichel (Compostela)
  • Centro Social Faisca (Vigo)
  • Centro Social Fuscalho (Guarda)
  • Centro Social Gomes Gaioso (Crunha)
  • Centro Social Mádia Leva! (Lugo)
  • Centro Social Revolta (Vigo)
  • Centro Social Xebra (Burela)
  • Centro Social Autogerido do Sar (Compostela)
  • Centro Social Autogerido Cova dos Ratos (Vigo)
  • Centro Social Ocupado Autogerido Escárnio e Maldizer (Compostela)
  • Central Unitaria de Traballador@s (CUT)
  • Clube de Luita Alacrám Vermelho (Porrinho)
  • Colectivo Nacionalista de Marim (CNM)
  • Colectivo Terra
  • Comité de Solidariedade com os Presos e Presas Políticas
  • Comité de Solidariedade com @s Retaliad@s Polític@s
  • Confederación Intersindical Galega (CIG)
  • Dereitos Civis
  • Diário Liberdade
  • Erguer-Estudantes da Galiza
  • Federación Ecoloxista Galega (FEG)
  • Festival das Brétemas (Ponte Areias)
  • Frente Popular Galega (FPG)
  • Frente Obreira Galega (FOGA)
  • Federación Rural Galega (FRUGA)
  • Fundaçom Artábria
  • Galiza Contrainfo
  • Galiza Nova
  • Isca!
  • Liça, Organizaçom Juvenil Libertária
  • Liska [grupo musical]
  • Lololo Lugo [siareir@s do C. D. Lugo]
  • Mar de Lumes
  • Mocidade Granate (Ponte Vedra)
  • Movemento Galego ao Socialismo (MGS)
  • Mulheres Nacionalistas Galegas (MNG)
  • Oficina de Dereitos Sociais (ODS) de Coia
  • Partido Comunista do Povo Galego (PCPG)
  • Podemos
  • Que Voltem!
  • Rede de Coletivos A Ria nom se Vende
  • Riazor Blues
  • Sindicato Labrego Galego (SLG)
  • Sociedade Cultural e Desportiva do Condado (SCD)
  • Terra Liberada (Comité de Solidariedade Internacionalista Galiza-Venezuela)
  • Touradas fora de Ponte Vedra
  • Unión da Mocidade Galega (UMG)
  • Unión do Povo Galego (UPG)
  • Verdegaia
  • Vigo contra a Represión
  • Xeira
Rubens Rocha
Nado en Vigo hai 34 anos. Nacionalista Galego, Fotoxornalista, activista defensor dos dereitos humanos e ambientais. Buscando que se recoñeza e respecte os patrimonios da cidade de Vigo.

Comentar noticia

Your email address will not be published.