73 mosenses peregrinan a Santiago para conmemorar o Día da Muller

Saíron hoxe de Tui e chegarán á catedral compostelá o vindeiro martes 12 de marzo
Por o 08/03/2019 | Sección: Galicia,Mos
73 mosenses peregrinan a Santiago para conmemorar o Día da Muller

Hoxe venres 8 de marzo celébrase o Día Internacional da Muller 2019 e o Concello de Mos conmemórao coa iniciativa “Xuntas no Camiño” que hoxe deu comezo e rematará o 12 de marzo.

Participan un total de 73 mulleres mosenses entre as que se atopan a alcaldesa de Mos, Nidia Arévalo, a concelleira de Política Social, Cultura e Turismo, Sara Cebreiro, e a edil mosense de Participación Cidadá, Julia Loureiro.

As 70 beneficiarias da actividade son mulleres de Mos maiores de 18 anos que realizarán o Camiño de Santiago dende Mos en 5 etapas. Cada etapa terá saída e regreso en autocar dende o Pazo de Mos.

Hoxe día 8 faise a etapa Tui – Mos (de 9:00 a 14:00 h) o día 9 Mos – Pontevedra (de 9:00 a 17:00 h) o día 10 Pontevedra – Caldas (de 9:00 a 17:00 h), o día 11 Caldas – Padrón (de 9:00 a 17:00 h) e o día 12 Padrón – Santiago (de 9:00 a 20:00 h).

Por outra banda o sábado 16 de marzo celebrarase a Cea Baile “Son Muller” tamén para mulleres maiores de 18 anos, no Pavillón Óscar Pereiro. Dará comezo ás 22.00 h e o prezo por persoa é de 20 €.

Comentar noticia

Your email address will not be published.