800 Deportistas disputarán o campionato de España de maratón

Esta mañá presentouse en Pontevedra, o Campionato de España de maratón no que competirán máis 800 padeeiros e 90 clubs, Galicia contará con 31 equipos nesta competición. O río Lérez, poñerá en xogo as prazas que aínda quedan libres para poder participar no Campionato do Mundo que se vai a celebrar na cidade chinesa de Shaoxing, no mes outubro. O piragüismo galego aspira a estar entre os primeiros tanto en sénior, sub-23, júnior e cadetes. Ademais disputaranse as probas de Master na que participarán 167 deportistas.
 
O campionato dará comezo ás 9:00 da mañá deste sábado coa saída das categorías xuvenís. A partir das 11:30 celebraranse a probas sénior, primeiramente será a saída do K1 masculino, na que estarán presentes os recentes medallistas europeos Iván Alonso, Miguel Fernández e Julián Becerro, esta proba en competirana trinta e dous padeeiros ten en xogo o único billete en xogo para a cita mundialista e conta na liña de saída con varios medallistas en campionatos do mundo e europeos como son Álvaro Fiuza, Emilio Merchán e Miguel Lloréns, ademais de estar presentes Antonio Palmás, Aarón Diéguez e Jaime Sobrado, todos eles brindarán un fermoso espectáculo que fará vibrar ao público presente.
 
Catro minuto máis tarde iniciarán a súa participación as mulleres en K1, onde Tania Fernández e Tania Álvarez estarán presentes xunto a dez competidoras máis.
 
Ás 11:38 será a quenda da canoa masculina, nesta modalidade está pendente de asignar a última praza para o mundial, os principais favoritos ao triunfo son Manuel Garrido do Kaiak Tudense e Diego Romero do Breogán, non llo van a poñer nada fácil José Sánchez e José Luis Bouza.
 
Pola tarde, están previstas as regatas da categoría cadete, así como as correspondentes probas individuais das categorías master e paracanoe.
 
O domingo pecharase o campionato coa disputa das competicións dobres para xuvenís e sénior. A proba de K2 masculina será ás 11:30 na que a priori as piraguas de Iván Alonso xunto a Jaime Sobrado, Miguel Llorens e Luís Amado son as favoritas para levar a vitoria, sen esquecernos de Emilio Merchán e Javier López.
 
Minutos máis será a quenda para as mulleres K2 e a proba mixta que é novidade neste tipo de competicións. O campionato finalizará coa carreira de C2 na que participarán Tono Campos e o seu compañeiro Diego Romero, así como Óscar Graña formando parella con Pedro Areal e José Sánchez con José Luis Bouza que se perfilan como as tres embarcacións con máis opcións ao triunfo final.
 
O Campionato de España disputarase no río Lérez, á beira da ponte dos tirantes. Os deportistas darán varias voltas a un circuíto espectacular. A zona dos porteos atópase moi preto da citada ponte, o mesmo que a liña de chegada. É un lugar ideal
 
para o público. Cada padeeiro deberá percorrer a pé, coa súa embarcación, un porteo de 120 metros.

Noticias de última hora en Vigo. Te contamos todo lo que sucede en nuestra ciudad. Desde los sucesos más relevantes hasta artículos de opinión y de interés.

SIGUENOS EN TELEGRAM