A alcaldesa do O Porriño pide á Xunta información máis detallada sobre contaxios e hospitalizados do Porriño

Eva Garcia pediulle ao conselleiro de Sanidade da Xunta de Galicia información máis detallada sobre infectados e hospitalizados por Covid do Porriño.  A alcaldesa participou hoxe na reunión telemática que Julio Garcia Comesaña mantivo con todos os alcaldes da área sanitaria de Vigo.

O Porriño presenta hoxe 92 novos contaxios, segundo comunicou a Xerencia da Área Sanitaria ao Concello.  A taxa de incidencia elevouse a 438, segundo a actualización do Sergas.

Garcia de la Torre indicou ao remate da reunión que mañá venres convocará a Comisión Municipal de Seguimento da Covid para avaliar a adopción de posibles medidas locais adicionais, complementarias ás que entraron en vigor hoxe no Porriño e noutros concellos da zona.

Por outra banda, a alcaldesa, que permanece en corentena, decidiu que as comisións municipais informativas convocadas para esta tarde e sesión plenaria da corporación que terá lugar na semana que ven, sexan telemáticas.

 

Noticias de última hora en Vigo. Te contamos todo lo que sucede en nuestra ciudad. Desde los sucesos más relevantes hasta artículos de opinión y de interés.

SIGUENOS EN TELEGRAM

Comentarios (0)
Publicar comentario