A Asociación Veciñal de Novo Vigo rexeita a 2ª Modificación ó Plan Parcial de Navia

Publicado por o día 29/07/2020 na sección de Asoc. Vecinos Novo Vigo,Galicia,Social,Vigo

A Asociación Veciñal de Novo Vigo rexeita a 2ª Modificación ó Plan Parcial de Navia

Hoxe, mércores, día 29 de xullo, o Concello de Vigo presenta no Pleno, para a súa aprobación, a 2ª Modificación ó Plan Parcial de Navia.

A Asociación Veciñal Novo Vigo ven manifestar o seu rotundo rechazo e malestar pola falta de sensibilidade cos desexos do barrio.

O barrio xa manifestou a través de case 3.000 alegacións o seu rexeitamento a esta Modificación, tal e como a presentou a Xunta de Galicia.

Das respostas a estas alegacións, feitas por veciños e veciñas e pola propia Asociación en 2018, non souberon nada ata onte. Cando descubriu que o Concello elaborou un informe ás alegacións asinado en xaneiro de 2020. Estas respostas ás alegación da veciñanza non foron debidamente notificadas. Polo tanto descoñecen a súa existencia. Algo que non poden entender e que lles impide o exercicio dos seus dereitos como persoas administradas. Entre as ditas alegacións estaba a necesidade de dotar ao barrio con máis infraestruturas sociais e culturais, inferior número de vivendas a construir, vías de acceso, proteción das carballeiras, soterramento da VG-20, eliminación de ruídos…

Como exemplo, pedíase a creación dun instituto no barrio, tal e como o alcalde de Vigo defendeu, mesmo como condición indispensable para a súa aprobación. Polo que a postura do alcalde, aínda que moi insuficiente, se atenden ás case 3000 alegacións, entraba na liña das suas reivindicacións. Hoxe ven como o propio alcalde anuncia que aprobará a Modificación do Plan renunciando a súa petición.

“Non nos conformamos e seguiremos loitando polo que nos parece xusto””3.000 alegacións non poden ser soterradas sen máis, a veciñanza non o merece” finaliza a Asociación Veciñal de Novo Vigo.

Comentar noticia

Your email address will not be published.