A Asociación Veciñal de Teis e os/as traballadores/as das empresas instaladas na Lagoa, convocan unha concentración este xoves 1 de agosto ás 11:00 horas, na Baixada a Lagoa, no lugar do afundimento, para esixir do Concello de Vigo, a reforma urxente desta Baixada.

Esta Asociación xa denunciou publicamente o pasado 12 de xullo, o mal estado da Baixada á Lagoa. Hai un afundimento sinalizado desde hai un ano pero sen reparar. Esta situación xa foi denunciada por esta Asociación o pasado ano a Concellaría de Fomento.

A isto hai que engadir que nesta mesma Baixada hai un muro sinalizado en perigo tamén de caerse.

O mal estado desta Baixada provoca dificultades para circular vehículos, sendo o aceso existente para praias da Lagoa, A Manquiña e A Fabrica e un dos acesos para o paseo do borde do litoral.

É escandaloso que a Baixada da Lagoa leve un ano nesta situación é que o goberno municipal só se limitara a sinalizar o afundimento e o muro, pero sen facer máis nada.

Noticias Vigo

Noticias de última hora en Vigo. Te contamos todo lo que sucede en nuestra ciudad. Desde los sucesos más relevantes hasta artículos de opinión y de interés.