Publicado por A conselleira de Política Social, Fabiola García, presidiu esta mañá a primeira reunión da comisión para a renovación da Axenda Social Única de Galicia á que asistiron o presidente da Federación Galega de Municipios e Provincias (Fegamp), Alberto Varela, e representantes dalgunhas das principais entidades sociais. Á entrada do encontro, celebrado no Consello Económico e Social de Galicia (CES), a conselleira destacou a importancia do diálogo e a colaboración entre institucións para loitar contra a pobreza e a exclusión social.
Fabiola García sinalou que a anterior Axenda Social Única foi consensuada no ano 2016 cos mesmos axentes e logrou facer realidade o 96% das medidas daquela recollidas. Unhas iniciativas que contaron cun investimento de 162 millóns de euros. Así mesmo, concretou algún dos éxitos que se acadaron en materia de vivenda, a través do Bono Alugueiro Social ou a ampliación do programa Reconduce, que ao longo destes anos actuou para evitar máis de 1450 desafiuzamentos.
A conselleira lembrou que aínda queda moito por facer en materia de inclusión, polo que apostou por renovar e actualizar un novo documento adaptado aos retos dos vindeiros catro anos, unha actuación para a que hoxe se dá o primeiro paso. Lembrou ademais que nesta tarefa contan co aval do Parlamento de Galicia, onde o 80% votou a favor de aprobar a nova Axenda neste primeiro semestre do ano.
Noticias de última hora en Vigo. Te contamos todo lo que sucede en nuestra ciudad. Desde los sucesos más relevantes hasta artículos de opinión y de interés.
