A conselleira do Medio Rural, Ángeles Vázquez, recibiu este mediodía ao alcalde da Cañiza, Miguel Domínguez, para abordar diferentes asuntos de interese para os habitantes desta localidade pontevedresa. En particular, valoraron a colaboración prestada por Medio Rural para o acondicionamento do antigo matadoiro municipal como secadoiro de xamóns.

Esta actuación foi obxecto dun convenio de colaboración entre a Axencia Galega de Desenvolvemento Rural (Agader) e o Concello da Cañiza, o que supuxo un investimento por parte da Xunta de algo máis de 122.000 euros. A finalidade deste acordo era a de mellorar as infraestruturas de apoio á comercialización do xamón. O rexedor agradeceu este apoio da Consellería e anunciou a súa intención de seguir mellorando estas instalacións e o servizo que se presta aos veciños.

Noticias Vigo

Noticias de última hora en Vigo. Te contamos todo lo que sucede en nuestra ciudad. Desde los sucesos más relevantes hasta artículos de opinión y de interés.