A DEPO aproba convocatoria de subvencións para clubs de rugby de competicións nacionais

Con estas axudas o Goberno de Carmela Silva xa ten investidos 775.000 euros en clubs deportivos sen ánimo de lucro que participan en competicións federadas a nivel nacional.
Por o 28/10/2018 | Sección: Deportes,Deputación de Pontevedra
A DEPO aproba convocatoria de subvencións para clubs de rugby de competicións nacionais
Compartir en:

A Xunta de Goberno da Deputación de Pontevedra vén de aprobar unha convocatoria para a concesión de subvencións para clubs de rugby que participen en competicións de categoría nacional. Así, a institución provincial porá 17.000 euros a disposición dos clubs de rugby da provincia que cumpran os requisitos e presenten a súa solicitude antes do 15 de novembro.

Con estes 17.000 euros a Deputación de Pontevedra xa ten destinado 775.000 euros repartidos entre clubs deportivos da provincia de diferentes modalidades como atletismo, bádminton, baloncesto, balonmán, béisbol, ciclismo, fútbol, fútbol sala, rugby, tenis de mesa ou voleibol. Os investimentos da institución provincial nesta categoría de subvencións deportivas tiveron un incremento de 25.000 euros respecto ao 2017.

Estas subvencións teñen como obxectivo específico apoiar a súa participación en ligas e competicións oficiais de ámbito nacional convocadas por organismos ou federacións deportivas galegas ou españolas nas modalidades deportivas con implantación na provincia de Pontevedra.

Comentar noticia

Your email address will not be published.