A Deputación instala en Moaña unha escultura da Escola de Cantería en memoria das vítimas do franquismo

A peza escultórica que recibiu o concello do Morrazo é un prisma rectangular con catro pombas e foi elaborada baseándose nun deseño do artista Camilo Caamaño
Publicado por o día 19/12/2018 na sección de Deputación de Pontevedra,Galicia,Moaña

A Deputación instala en Moaña unha escultura da Escola de Cantería en memoria das vítimas do franquismo

Este martes 18 de decembro a Deputación de Pontevedra instalou nos xardíns da Xunqueira de Moaña a escultura realizada pola Escola de Cantería coma homenaxe ás vítimas e persoas asasinadas durante o franquismo, ao abeiro do convenio asinado o pasado mes de outubro entre a vila do Morrazo e a institución provincial.

A escultura, valorada en preto de 4.000 euros, está construída baseándose nun deseño do artista cangués Camilo Caamaño. En concreto, a obra, dun peso de 5.100 quilos, consiste nun prisma rectangular con dúas pombas na parte frontal e outras dúas nos laterais, simulando que van ao encontro das outras dúas. Ademais a escultura ten, tamén na parte frontal, un texto en memoria das vítimas.

A Escola de Cantería da Deputación de Pontevedra ensina desde 1979 a traballar a pedra e a estimular a vocación artística para o desenvolvemento da artesanía no sector da elaboración dos traballos en pedra. A súa principal finalidade é conservar e promover un dos oficios máis antigos e nobres de Galicia, o de cantería.

Comentar noticia

Your email address will not be published.