A escritora de Burela Antía Yáñez presentará o seu libro “Senlleiras” na librería viguesa Cartabón

Publicado por o día 20/03/2019 na sección de Cultura,Galicia,Vigo

A escritora de Burela Antía Yáñez presentará o seu libro “Senlleiras” na librería viguesa Cartabón

Antía Yáñez Rodríguez, nada en Burela en 1991, presentara na cidade de Vigo na Librería Cartabón a súa novela “SENLLEIRAS” e acompañará a autora Rosa María Chantada Abollo, responsable da Secretaría das Mulleres da CIG na Comarca de Vigo. No 2018 gañou o premio Illa Nova con Senlleiras, é un galardón literario xestionado pola Editorial Galaxia cuxa primeira edición se celebrou en 2017. Está remunerado con 3.000 euros amais da publicación da obra gañadora. Está destinado a obras de narrativa en lingua galega para autores menores de 35 anos.

Antía e enxeñeira de camiños. Reside en Cecebre (Cambre), onde xestiona unha academia e fai obradoiros literarios para rapaces.

Senlleiras

A novela das mulleres que rachan co silencio. Unha influencer sobe unha foto ás redes sociais onde aparece unha man pantasma. Xusto unha semana máis tarde, a moza é atopada morta. A partir deste fío técense as vidas de varias mulleres de diferentes séculos. Mulleres que tiveron que vivir as súas vidas supeditadas ás dos seus homes, baixo as estritas normas non escritas (ou si) que as sinalaban como inferiores. Mulleres que, cando intentaron recuperar o único que lles pertencía por dereito, a súa vida, viron como ata esta lles podía ser arrebatada.Tempos que semellan totalmente diferentes, pero que non o son tanto. Mulleres senlleiras que merecen ser lembradas.

 

Comentar noticia

Your email address will not be published.