A Policía Autonómica leva a cabo 124 inspeccións para velar polo cumprimento da Lei de prevención de bebidas alcohólicas en menores

A Policía Autonómica, dende a entrada en vigor da Lei 11/2010, de prevención de bebidas alcohólicas aos menores de idade, leva a cabo diversos dispositivos policiais por toda a comunidade galega
Por o 27/08/2018 | Sección: Sucesos
A Policía Autonómica leva a cabo 124 inspeccións para velar polo cumprimento da Lei de prevención de bebidas alcohólicas en menores
Compartir en:

Axentes do grupo de Menores da Policía Autonómica levaron a cabo entre o 20 e o 26 de agosto un total de 124 inspeccións de control en 13 concellos galegos.

Por parte dos distintos Grupos de Menores da Policía Autonómica da Coruña, Lugo, Ourense, Pontevedra e Vigo nesta pasada semana realizáronse 34 dispositivos de control de menores en risco de desamparo (absentismo escolar e consumo de alcohol/tabaco e drogas en menores de idade), nos concellos da Coruña, Ames, Cee, Guitiriz, Lugo, Noia, Ourense, Pereiro de Aguiar, Ponteareas, Pontevedra, Santiago de Compostela, Tui e Vigo.

Como resultado do dispositivo levado a cabo, foron identificadas 38 persoas e inspeccionadas 124 zonas de ocio, locais e centros comerciais. Levantáronse 12 actas de infracción: 11 por consumo de alcol e 1 por posesión de substancia estupefaciente.

A Policía Autonómica, dende a entrada en vigor da Lei 11/2010, de prevención de bebidas alcohólicas aos menores de idade, leva a cabo diversos dispositivos policiais por toda a Comunidade Galega, para velar polo cumprimento da mesma e previr o consumo deste tipo de bebidas polos menores de idade.

Nestes dispositivos, ademais das denuncias pola infracción da Lei 11/2010, tamén se informa aos propietarios dos locais do seu contido, das actuacións que deben levar a cabo para o cumprimento da mesma e evitar o consumo de alcol entre os menores de idade, así como, que por parte da Policía Autonómica se continuará coas actividades necesarias para velar polo cumprimento da norma.