A Policía Nacional de Vigo identifica e detén ao autor dunha agresión sexual

O detido xa contaba con antecedentes policiais anteriores
Publicado por o día 06/08/2019 na sección de Galicia,Sucesos,Vigo

A Policía Nacional de Vigo identifica e detén ao autor dunha agresión sexual

A Policía Nacional ha detido a un home, veciño de Vigo, como responsable dun delito de Agresión Sexual.
 

Complexa investigación

 
Axentes da Unidade de Familia e Muller (UFAM), da Brigada de Policía Xudicial da Comisaría de Vigo, detiveron a un home con varios antecedentes policiais anteriores, como presunto autor dunha agresión sexual.
 
Os feitos tiveron lugar a finais do pasado mes de xullo no domicilio do agresor, o cal lle ofreceu a súa vivenda á vítima para que quedase a durmir, e ao día seguinte achegaríaa en coche ao seu domicilio.
 
Segundo manifestacións da vítima, esa noite desprazouse a Vigo en compañía dun grupo de amigos e amigas, para acudir ás festas de Bouzas.
 
Alí coñeceu a un mozo co que rapidamente estableceu conversación e que se uniu ao grupo.
 
A noite ía avanzando e o consumo de alcol aumentando, indicándolle vari@s compañeir@s que ían marcharse, á vez que esta moza optaba por quedar na festa acompañada por un amigo e o mozo ao que acababa de coñecer.
 
Unha hora máis tarde comezou a atoparse mal e o seu amigo díxolle que a achegaba a casa, aínda que o outro novo indicoulle que el vivía moi preto e que podía quedar a durmir na súa casa e que á mañá seguinte xa achegaba ao seu domicilio.
 
A moza aceptou e o seu amigo acompañounos a ambos ata o portal deste mozo, tras o cal despediuse e marchouse do lugar.
 
Á mañá seguinte esta moza espertouse sen lembrar demasiado sobre a noite anterior, pero sendo consciente que se aproveitaron diso, polo que se marchou do lugar e chamou a un amigo para que a recollese na Gran Via.
 
Tras iso comentoulle o sucedido e optou por presentar a denuncia correspondente, a cal foi remitida ao grupo de UFAM da Comisaría de Policía Nacional de Vigo-Redondela, unidade especializada na atención a vítimas de delitos sexuais.
 
As pescudas permitiron acoutar o círculo de procura e logrouse identificar a un home como presunto autor dos feitos.
 
Ao contactar coa vítima esta recoñeceuno, polo que se procedeu á súa detención e traslado a dependencias policiais, onde se realizou unha comprobación das bases de datos na que se corroborou que contaba con antecedentes anteriores.
 
O detido foi posto ao dispor do Xulgado de Instrución número 6 dos de Vigo, remitindo ademais todo o actuado.
 
A investigación foi levada a cabo polo grupo de UFAM da Brigada de Policía Xudicial da Comisaría de Policía Nacional de Vigo-Redondela.

Comentar noticia

Your email address will not be published.