A Xunta, a Fegamp e a comunidade islámica avanzan na habilitación de espazos para soterrar aos defuntos desta fe relixiosa

As dúas administracións comprometéronse a estudar conxuntamente as posibilidades técnicas e legais para posibilitar espazos nos cemiterios municipais
Publicado por o día 06/06/2018 na sección de Xunta de Galicia

A Xunta, a Fegamp e a comunidade islámica avanzan na habilitación de espazos para soterrar aos defuntos desta fe relixiosa

A Xunta de Galicia, a Federación Galega de Municipios e Provincias (Fegamp) e a comunidade islámica avanzaron hoxe na habilitación de espazos nos que poidan ser soterrados os defuntos desta fe relixiosa.

A directora xeral de Administración local, Marta Fernández Tapias; o presidente da Fegamp, Alfredo García, e o deputado do Partido Popular Alberto Pazos mantiveron unha xuntanza cos representantes da comunidade islámica.

Tanto a Xunta como a Fegamp comprometéronse a estudar conxuntamente as posibilidades técnicas e legais para poder habilitar espazos nos cemiterios municipais que permitan soterrar a membros da comunidade islámica, co que se cumpriría o acordo parlamentario aprobado ao respecto.