Publicado por 
O Diario Oficial de Galicia (DOG) acaba de publicar a convocatoria das axudas para impulsar proxectos de enerxía fotovoltaica ás que a Xunta destina 4,5M€. Van dirixidas a empresas, administracións locais e entidades sen ánimo de lucro e teñen como obxectivo fomentar o autoconsumo eléctrico a través de fontes de enerxía renovable.
O prazo de presentación de solicitudes comezará o vindeiro 21 de setembro e finalizará o 1 de decembro pero, desde hoxe, as entidades colaboradoras —empresas con actividade de instalación de baixa tensión dadas de alta na Consellería de Economía, Emprego e Industria— teñen 15 días hábiles para solicitar a súa adhesión a este programa en réxime de concorrencia non competitiva. Cando o beneficiario sexa unha entidade sen ánimo de lucro ou unha empresa ou autónomo, a solicitude das axudas presentarase a través delas.
Con estas axudas financiarase a instalación de paneis solares fotovoltaicos; sistemas para o acondicionamento da enerxía eléctrica, de monitorización ou de acumulación con baterías (reguladores de cadros eléctricos, convertedores, sensores, cableado, equipamentos de medidas, elementos de interconexión ou de comunicación remota, etc.); o resto de accesorios da instalación para o seu correcto funcionamento e o custo da montaxe e da conexión.
Estas axudas están cofinanciadas polo Fondo Europeo de Desenvolvemento Rexional, no marco do Programa Operativo Feder Galicia-2014-2020. A contía máxima por proxecto para empresas e entidades locais será de 40.000 euros e de 25.000 euros para as entidades sen ánimo de lucro.
A fotovoltaica é unha enerxía renovable cun reducido impacto ambiental que, polo seu carácter de recurso autóctono, favorece a redución de emisións de CO², o autoabastecemento e a seguridade na subministración a prezos competitivos. En definitiva, o obxectivo destas axudas é apoiar proxectos que incidan no aforro e na eficiencia enerxética a partir de fontes renovables, que é un dos compromisos da Xunta para contra cada vez cunha Galicia máis verde.
Noticias de última hora en Vigo. Te contamos todo lo que sucede en nuestra ciudad. Desde los sucesos más relevantes hasta artículos de opinión y de interés.
