A Xunta inaugura en Vigo a exposición ‘Cartas de Amor’ que ten como obxectivo concienciar á mocidade galega das diferentes formas da violencia de xénero

A secretaria xeral da Igualdade, Susana López Abella visitou esta mañá en Vigo o Colexio Apóstol Santiago Jesuitas, onde inaugurou a exposición
Publicado por o día 14/11/2019 na sección de Galicia,Vigo,Xunta de Galicia

A Xunta inaugura en Vigo a exposición ‘Cartas de Amor’ que ten como obxectivo concienciar á mocidade galega das diferentes formas da violencia de xénero

A secretaria xeral da Igualdade, Susana López Abella, visitou onte en Vigo o Colexio Apóstol Santiago Jesuitas, onde inaugurou a exposición “Cartas de Amor”. A exposición acompáñase dun Obradoiro Práctico, explicativo da mostra,guiándose dos paneis expositivos, como un xeito máis de traballar na prevención da violencia de xénero coa xente máis nova e conciencialos da existencia das diferentes formas da Violencia de Xénero.

Cartas de Amor é unha mostra do cómic galego sobre violencia de xénero, que ten como finalidade sensibilizar á mocidade sobre a existencia de violencia nas súas relacións de parella, nos seus modos de relacionarse. Axudarlles a decatarse de que formas e modos de comportamento habituais como as demostracións de celos, o control sobre a vestimenta da parella, as súas chamadas telefónicas, mensaxes e correos electrónicos, a limitación dos seus movementos en relación ás súas amizades, son en realidade demostracións dun comportamento violento, e polo tanto a eliminalo.

A mostra está composta por traballos de Miguel Calatayud (premio nacional de ilustración), Paco Roca (premio nacional de cómic), así como outras figuras galegas, como Patricia Castelao, Pirusca, David Pintor e Óscar Villán. Tamén participaron autoras e autores que están acadando grande éxito entre a xente máis nova, como Eva Vázquez, Javier Olivares, Primitivo, Sonia Pulido, Jack Mircala ou Sergi San Julián. Ademais o escultor Méndez, a escritora Anxos Sumai e o deseñador Fausto, uníronse a esta mostra con tres achegas diferentes.

Comentar noticia

Your email address will not be published.