A Xunta inicia as obras para instalar semáforos no paso de peóns da estrada PO-323, na parroquia viguesa de Teis, cun investimento de máis de 30.000 euros

As obras teñen un prazo de execución dun mes e estanse a executar os primeiros traballos para a colocación de semáforos con interruptor no paso de peóns situado na intersección da Avenida Galicia coa rúa Ángeles Iglesias Rebollar
Por o 11/04/2019 | Sección: Galicia,Vigo,Xunta de Galicia
A Xunta inicia as obras para instalar semáforos no paso de peóns da estrada PO-323, na parroquia viguesa de Teis, cun investimento de máis de 30.000 euros

A Consellería de Infraestruturas e Mobilidade, a través da Axencia Galega de Infraestruturas, vén de iniciar os traballos para dotar de semáforos ao paso de peóns da estrada PO-323, no punto quilométrico 3+900, sito na parroquia viguesa de Teis, cun investimento autonómico de máis de 30.000 euros.

As obras están a ser acometidas pola empresa Civis Global, S.L.U e teñen un prazo de execución dun mes.

Os traballos iniciados empezaron xa coa obra civil necesaria para a posterior instalación de semáforos con interruptor no paso de peóns desta estrada de titularidade autonómica que comunica Chapela-Vigo, na intersección da Avenida Galicia coa rúa Ángeles Iglesias Rebollar.

Esta actuación do departamento de Infraestruturas da Xunta da resposta a unha solicitude da asociación veciñal de Teis, e se enmarca nas actuacións de mellora da seguridade viaria.

Comentar noticia

Your email address will not be published.