A Xunta reitera o firme compromiso en prol da igualdade de dereitos e oportunidades entre mulleres e homes que materializa no desenvolvemento de diversas medidas

A secretaria xeral da Igualdade, Susana López Abella, acompañada do delegado territorial da Xunta en Vigo, Ignacio López-Chaves, participou na clausura da Xornada de Traballo sobre Responsabilidade Social e Inserción Laboral
Publicado por o día 11/12/2018 na sección de Galicia,Vigo

A Xunta reitera o firme compromiso en prol da igualdade de dereitos e oportunidades entre mulleres e homes que materializa no desenvolvemento de diversas medidas

A secretaria xeral da Igualdade, Susana López Abella, reiterou o firme compromiso en prol da igualdade de dereitos e oportunidades entre mulleres e homes, compromiso que vén materializando desde hai anos no desenvolvemento de medidas e instrumentos xurídicos, políticos, económicos e sociais orientados á supresión dos obstáculos que aínda persisten nos distintos ámbitos e que impiden que a igualdade sexa real e efectiva.

Susana López Abella, acompañada do delegado territorial da Xunta en Vigo, Ignacio López-Chaves, participou esta mañá, no Museo do Mar en Vigo, na clausura da Xornada de Traballo sobre Responsabilidade Social e Inserción Laboral, onde indicou que a incorporación das mulleres ao mercado laboral, a permanencia no emprego e as súas condicións de traballo aínda están lonxe de producirse en condicións de igualdade.

Segundo indicou a titular de Igualdade, o VII Plan estratéxico de Galicia para a igualdade de oportunidades entre mulleres e homes 2017-2020, contempla unha área estratéxica de actuación relativa á igualdade no emprego e na innovación, e recolle como obxectivo específico «impulsar o emprendemento feminino e a mellora do tecido empresarial liderado por mulleres». Así, apoiar o empoderamento económico e social das mulleres fomentando o emprendemento feminino é unha das liñas básicas de actuación da Xunta de Galicia no marco da igualdade de oportunidades.

Lembrou tamén que para favorecer o emprego e o emprendemento feminino, a Xunta co Programa Emega que comprende un conxunto de axudas dirixidas a apoiar a posta en marcha, a mellora e a reactivación de iniciativas empresariais constituídas por mulleres, xunto con medidas complementarias para favorecer a conciliación da vida persoal, familiar e laboral, así como para ter acceso a servizos específicos de acompañamento, asesoramento e titorización co obxecto de facilitar a implantación e a consolidación dos proxectos empresariais promovidos por mulleres, polo cal destináronse dende o ano 2009 máis de 7,4 millóns de euros para financiar 544 proxectos cos que se crearon máis de 1.000 postos de traballo femininos.

Comentar noticia

Your email address will not be published.