Abel Caballero avoga polo traballo conxunto da cidade a prol da economía

Publicado por o día 06/06/2017 na sección de Concello de Vigo,Vigo

Abel Caballero avoga polo traballo conxunto da cidade a prol da economía

Na apertura da xornada organizada por Provigo baixo o lema “Vigo ante o seu futuro”, o alcalde salientou a importancia “central” do sector naval e pesqueiro que cualificou como “fortaleza” da economía viguesa e animou a todas as “pezas” da urbe a traballar xuntos para afrontar os retos nun momento no que a relación dos sectores produtivos coa cidade é “excepcionalmente boa”. Así, animounos a limar a fricción no caso de que a houbese e alentou a todas as partes a impulsar unha recuperación que “se ve e se palpa”.

“Vigo é e será tanto como sexa a nosa economía”, apuntou ao inicio dunha sesión de arredor da pesca e o sector naval que contou coa participación de Javier Touza, presidente de ARVI, Marcos Freire, director xeral de Freire Shipyard e José García Costas, presidente da Cámara de Comercio de Vigo.