Publicado por Wayuu é unha entidade sen ánimo de lucro que conta con sede en Galicia e que ten como obxectivo a recadación de fondos para mellorar as condicións de vida do pobo Wayuu, asentado na península de Guajira, sobre o Mar do Caribe. Dita entidade encargarase da montaxe de varias casetas que ofrecerán produtos de artesanía neste mercado, e destinarán parte dos seus beneficios á escavación de pozos nesta rexión.
Desde a Concellería de Desenvolvemento Local quérese abrir a participación neste mercado aos artesáns e artesás da comarca do Baixo Miño co fin de apoiar a un sector especialmente golpeado pola crise sanitaria, nun verán no que foron cancelados multitude de eventos e feiras que representaban unha importante fonte de ingresos para este tipo de profesionais.
A participación no mercado será gratuíta e o Concello proveerá a cada artesán dun stand, ata acadar un máximo de 15 postos. Pola súa parte os e as artesás deberán comprometerse a manter os postos abertos ao longo de todo o período de duración do mercado en horario de mañá e tarde.
Os e as profesionais interesados/as deberán realizar a súa solicitude antes do 24 de agosto ás 14:00 horas a través da dirección de correo electrónico [email protected], indicando: nome e apelidos, teléfono de contacto, concello no/a que están empadroados/as e descrición dos produtos de artesanía que ofrecen. Así mesmo deberán amosar por escrito nese correo o seu compromiso para manter aberto o posto durante todo o período de duración do mercado, respectando os horarios do mesmo. Posteriormente poderáselles requirir documentación para verificar os datos que aporta na solicitude.
Noticias de última hora en Vigo. Te contamos todo lo que sucede en nuestra ciudad. Desde los sucesos más relevantes hasta artículos de opinión y de interés.
