Activada como medida preventiva a situación 2 no incendio forestal activo no municipio ourensán de Cualedro, parroquia de San Millao

Esta situación operativa decrétase pola proximidade do lume, que afecta provisionalmente unhas 60 hectáreas, ao núcleo de San Cristovo, pertencente ao municipio de Monterrei
Publicado por o día 29/07/2020 na sección de Medio Ambiente,Sucesos

Activada como medida preventiva a situación 2 no incendio forestal activo no municipio ourensán de Cualedro, parroquia de San Millao
A Consellería do Medio Rural informa de que se vén de activar como medida preventiva a Situación 2 no incendio forestal activo arestora no concello ourensán de Cualedro, parroquia de San Millao. Esta situación operativa de emerxencia decretouse pola proximidade do lume ao núcleo de San Cristovo, pertencente ao municipio de Monterrei.

Este incendio comezaba ás 14,15 h. desta tarde e arestora permanece activo. Segundo as últimas estimacións, afecta unha superficie provisional dunhas 60 hectáreas. Para o seu control mobilizáronse polo de agora 1 técnico, 5 axentes, 15 brigadas, 5 motobombas, 2 pas, 11 helicópteros e 11 avións.

A Consellería do Medio Rural lembra que está a disposición da cidadanía o número de teléfono gratuíto 085, ao que deben chamar en caso de detectar algún lume forestal. Ademais, existe un teléfono anónimo e gratuíto para denunciar calquera actividade delituosa incendiaria da que se teña sospeita ou coñecemento: 900 815 085. Así mesmo, toda a información actualizada sobre incendios forestais poderá ser consultada na conta aberta de twitter: @incendios085.

#IFSanMillaoCualedro

#IFSanMillaoCualedroActivada como medida preventiva a situación 2 no incendio forestal activo no municipio ourensán de Cualedro, parroquia de San Millaohttps://www.noticiasvigo.es/activada-como-medida-preventiva-a-situacion-2-no-incendio-forestal-activo-no-municipio-ourensan-de-cualedro-parroquia-de-san-millao/Imaxes da Asociación de Traballadores das BRIF pertencentes ao Ministerio para a Transición Ecolóxica e o Reto Demográfico [@AT_Brif], do Diario dun Bombeiro [@BrifLaza] e e da Brigada de Reforzo en Incendios Forestais pertencentes ao Ministerio para a Transición Ecolóxica e o Reto Demográfico [@briftabuyo].

Publicada por Noticias de Vigo en Miércoles, 29 de julio de 2020

Comentar noticia

Your email address will not be published.