Afundación en casa continúa coas súas iniciativas a favor da difusión do coñecemento e da cultura. Baixo o programa «A colección en casa», nesta ocasión e con motivo da apertura na Sé Afundación A Coruña o pasado 12 de marzo da mostra «Fóra de foco. Artistas foráneos na Colección Afundación», a comisaria, Mercedes Rozas, elaborou unha serie de estudos analíticos que, de xeito sintético e en forma de vídeos, analizan algunhas pezas escolleitas desa mostra: Ciria, Daniel Canogar, Manolo Valdés, Mersad Beber e Soledad Sevilla son os autores cuxas obras se estudan nesta ocasión.
A análise sobre a peza de Soledad Sevilla, En mi propio interior, pódese visualizar aquí.
A Colección de Arte Afundación. A colección en casa
Integrada por máis de cinco mil obras, a Colección de Arte Afundación é unha das máis completas de arte galega da comunidade, cuxo fondo, ademais de incluír pezas significativas da creación española, cobre as etapas esenciais da arte galega desde o século XIX. A súa importancia valeulle a declaración de Ben de Interese Cultural pola Xunta de Galicia no ano 2015, ratificando, así, un proxecto iniciado hai máis de cinco décadas. A Colección de Arte Afundación naceu coa vocación de apoiar e divulgar o labor dos artistas galegos dentro e fóra das fronteiras da comunidade. Outra premisa básica desta colección é a súa finalidade museable, é dicir, está concibida para ser exposta e para permanecer á disposición e, xa que logo, para o seu gozo público. Dada a actual
conxuntura, Afundación desenvolveu o programa «A colección en casa» para cumprir con este propósito e seguir achegando a cultura á cidadanía.
Noticias de última hora en Vigo. Te contamos todo lo que sucede en nuestra ciudad. Desde los sucesos más relevantes hasta artículos de opinión y de interés.