Alberto Núñez Feijóo tomou posesión como presidente da Xunta no Parlamento de Galicia

Publicado por o día 05/09/2020 na sección de Galicia,Xunta de Galicia

Alberto Núñez Feijóo tomou posesión como presidente da Xunta no Parlamento de Galicia

O Parlamento de Galicia acolleu este mediodía o acto de toma de posesión como presidente da Xunta de Galicia na XI Lexislatura.
O acto celebrouse no Salón dos Reis do Parlamento de Galicia, onde o titular da Cámara, Miguel Ángel Santalices Vieira, deu lectura ao Real Decreto polo que se nomea presidente da Xunta de Galicia a Alberto Núñez Feijóo.
De seguido, Núñez Feijóo prometeu  o seu cargo como presidente da Xunta e tomou a palabra nun acto organizado respectando distancia social e outras medidas orientadas a previr a propagación da coviD-19.
De feito, ao Salón dos Reis accedeu só a cuarta parte dos convidados que tradicionalmente se daban cita neste mesmo espazo noutras tomas de posesión, mentres que as restantes persoas se situaron noutra sala, nos corredores e no patio interior do pazo do Hórreo, onde seguiron o desenvolvemento do acto a través de pantallas.
O acto rematou coa interpretación do Himno de Galicia.

Comentar noticia

Your email address will not be published.