O alcalde destaca o “éxito” das turboglorietas, que reducen a siniestralidade nun 55%

Abel Caballero avanzou que o goberno de Vigo pintará a oitava turboglorieta en García Barbón con Rosalía de Castro en canto a climatoloxía o permita e estuda levala tamén á Praza do Bicentenario. Nas sete que xa funcionan na cidade, a media de redución da siniestralidade ascende ao 55%, revelou o alcalde.
Por o 12/02/2018 | Sección: Concello de Vigo,Galicia,Vigo
O alcalde destaca o “éxito” das turboglorietas, que reducen a siniestralidade nun 55%

O Concello de Vigo continúa estendendo as turboglorietas pola cidade e só agarda á chegada de dous días de sol para pintar a que será a oitava na cidade, emprazada no cruce da Avenida García Barbón con Rosalía de Castro.

“Será o antes posible”, asegurou este luns en rolda de prensa Abel Caballero, quen avanzou que os técnicos municipais estudan converter en turboglorieta a Praza do Bicentenario, fronte ao Concello. O goberno vigués valorará todas as rotondas e adaptará aquelas que os técnicos consideren.

O alcalde valorou o “éxito extraordinario” das turboglorietas, de “gran comodidade”, que aumentan a velocidade promedio de paso polos cruces e mellora a seguridade. A este respecto, Caballero ofreceu datos de siniestralidade antes e despois do pintado das sete turboglorietas coas que actualmente conta a cidade, cunha reducción do 55% dos siniestros.

A turboglorieta de Baleares-Gran Vía viu reducida a siniestralidade nun 72,58%; a de Castrelos-Portanet, nun 75,76%; a da Avenida Castelao con O Grove, nun 71,11%; Beiramar-rúa Coruña, nun 26,53%; Avenida de Europa coa VG20, nun 41,46%; Avenida de Europa coa Avenida de Samil, nun 66,67%; e a última en implantarse, no cruce de Jenaro de la Fuente coa Travesía de Vigo, a redución dos sinistros é do 30,43%.

Noticias de última hora en Vigo

Comentar noticia

Your email address will not be published.