O alcalde de Nigrám visitou no CEMMA a 'GUARDESIÑA', a foca que apareceu varada en A Guarda e que finalmente confirman que é femia

O alcalde de Nigrán, Juan González, visitou onte a ‘Guardesiña’, a foca gris que varou no porto de A Guarda hai pouco máis dunha semana en moi mal estado e que se atopa recuperándose na UCI do CEMMA (Coordinadora para o Estudo dos Mamíferos Mariños) en Nigrán. O animal, de aproximadamente tres meses e que nun principio se deu por macho, é femia e evoluciona favorablemente tras realizar unha travesía de miles de kilómetros. “Xa se alimenta de xarda tres veces ao día e pesa actualmente 15 kg, un máis de cando chegou”, explican dende o CEMMA, onde o obxectivo é, trala súa recuperación, devolvela ás costas de Irlanda na Primavera.

“Ás veces só somos conscientes do que significa o CEMMA cando ocorren fitos como este, pero se trata dunha entidade de referencia que traballa arreo todo o ano polos animais mariños; para Nigrán é un orgullo que teñan aquí a súa sede. Dende o Concello aproveitamos esta ocasión para recoñecer o seu labor e agradecer o seu traballo”, sinala o alcalde, Juan González.