O alcalde urxe ao Estado a aprobar “de inmediato” a avaliación ambiental do AVE por Cerdedo

Caballero ten a “certeza” de que o Goberno de España quere deixar a Vigo sen AVE directo a Ourense e Madrid -a vía de Cerdedo-, o que está a xerar “preocupación” e o “rexeitamento” da cidade. Tras unha reunión este xoves cos responsables do Colexio de Avogados, o rexedor vigués reclamou do Estado a aprobación inmediata da Declaración de Impacto Ambiental e a contratación da conexión por Cerdedo.
Publicado por o día 22/12/2016 na sección de Concello de Vigo,Vigo

O alcalde urxe ao Estado a aprobar “de inmediato” a avaliación ambiental do AVE por Cerdedo

O alcalde de Vigo continuou este xoves -coa dirección do Colexio de Avogados- a rolda de reunións para pulsar a opinión da cidade sobre o “desexo” do Goberno de España de “cancelar definitivamente” o AVE por Cerdedo e, polo tanto, deixar a Vigo sen conexión directa de alta velocidade ferroviaria a Ourense e Madrid, unha opción que para Caballero é unha “certeza”.

O Estado “condena a Vigo a ir por Santiago, para ir a Ourense incluso”, asegurou o primeiro edil, quen avanzou que comparte cos Avogados “preocupación e rexeitamento de negarlle a Vigo o seu tren de Alta Velocidade”.

“Empezo a volver a comprobar que todo Vigo quere o tren de Alta Velocidade, que nunca vai aceptar ser eliminados por Rajoy e por Feijóo dos trazados de Alta Velocidade”, manifestou Caballero, e engadiu que é posible aprobar “de inmediato” a Declaración de Impacto Ambiental da conexión por Cerdedo, “e polo tanto urximos aos ministerios de Fomento e Medioambiente a que dean o paso de aprobación da Declaración de Impacto Ambiental e procedan á contratación do proxecto do tren Vigo-Ourense-Madrid por Cerdedo”.

  , , , ,

NOTICIAS RELACIONADAS: