A alcaldesa de Mos encontrarase o luns co colectivo de deportistas e usuarios/as de instalacións deportivas do municipio durante unha tarde de coloquio

‘Encontros coa alcaldesa’ é un programa pioneiro e novidoso
Publicado por o día 28/10/2017 na sección de Galicia,Mos

A alcaldesa de Mos encontrarase o luns co colectivo de deportistas e usuarios/as de instalacións deportivas do municipio durante unha tarde de coloquio

O vindeiro luns, 30 de outubro, o programa ‘Encontros coa alcaldesa’ reunirá no marco do Pavillón Óscar Pereiro á rexedora local mosense, Nidia Arévalo, e ós/ás deportistas e usuarios/as de instalacións deportivas do municipio.

Dende o Concello anímase aos interesados en participar a achegarse ata o pavillón o luns día 30 ás 19.00 horas.

‘Encontros coa alcaldesa’ é unha iniciativa pensada para que os diferentes colectivos sociais do Concello de Mos poidan charlar de ti a ti e en persoa coa rexedora local, Nidia Arévalo, facerlle consultas, plantexarlle suxerencias, trasladarlle opinións, etc.

Os seguintes colectivos aos que se convocará serán o alumnado do Instituto, empresariado, voluntariado e asociacionismo social, mulleres, agrupacións culturais, mocidade en xeral, universitarios, etc. Ata o de agora xa se realizaron ‘Encontros coa Alcaldesa’ para maiores, persoas con discapacidade e as súas familias, e pais e nais de escolares mosenses.