Alexandra Fernández: “Nas eleccións deste 20 D declaremos unha folga xeral ao inverno”.

Publicado por o día 07/12/2015 na sección de En Marea,Política

Alexandra Fernández: “Nas eleccións deste 20 D declaremos unha folga xeral ao inverno”.

Ángela Rodríguez: “Debemos darlle o valor que merece que sexamos a xente normal a que esteamos hoxe nos carteis electorais de En Marea.”

Moaña 5/6/2015-. No colexio Reibón de Moaña, a candidata número un de En Marea por Pontevedra, Alexandra Fernández, centrou o seu discurso en tres eixos: a importancia da mobilidade e a ordenación do territorio para que o Morrazo teña unha conexión racional e atenta á vida das persoas; as medidas programáticas de En Marea no que respecta ás guerras en Medio Oriente e ao papel da OTAN; e a necesidade de que todos os agredidos pola crise gañen o futuro votando para “declarar unha folga xeral ao inverno.”

Pola súa banda, Ángela Rodríguez, número 2 da candidatura por Pontevedra, fixo fincapé no valor de que as candidaturas de En Marea estean compostas por “xente normal”, por xente que fai política desde abaixo e “cun sorriso na cara”. Lembrou tamén o papel decisivo das nais e avoas que se encargan dos coidados e que levan tanto peso neste momento de precariedade.

Rubén Pérez, concelleiro da Marea de Vigo na cidade olívia, sinalou que“Galicia é un espello para todo o Estado sobre como levar a cabo a Unidade Popular.”

Pola súa banda Méndez Ferrín dixo que aínda que haxa quen queira facer crer que as cousas sempre foron iguais e que nunca houbo cambios “Se algo nos ensina a Historia é que todo se transforma, que nada permanece igual. Se hai cambio climático, como non vai haber cambio político.”

PRENSA EN MAREA