O alumnado de Infantil do colexio Salesianos María Auxiliadora descobre os segredos da ría de Vigo a bordo do Buque de Interpretación Nautilus

Os días 19, 20 e 21 de febreiro ás 16 h da tarde diferentes grupos de alumnos de Infantil do Centro viaxarán pola Ría de Vigo a bordo do Buque no marco dun Proxecto Educativo ambientado na novela “ 20.000 leguas de viaxe submarina”
Publicado por o día 19/02/2018 na sección de Educación,Galicia,Vigo

O alumnado de Infantil do colexio Salesianos María Auxiliadora descobre os segredos da ría de Vigo a bordo do Buque de Interpretación Nautilus

Con motivo da conmemoración dos 150 anos da entrada do Nautilus en Vigo, reflectido na novela “20.000 leguas de viaxe submarina” escrita por Jules Verne, os alumnos e alumnas de infantil do Colexio Plurilingüe María Auxiliadora, Salesianos de Vigo, están a levar a cabo un proxecto sobre Jules Verne e a citada obra.

En colaboración coas familias, a entrada e o corredor da planta de infantil do colexio converteuse no fondo do mar para así ambientar e motivar as actividades que levarán a cabo ao longo destes meses de febreiro e marzo.

O proxecto iniciuose cando os nenos e nenas foron sorprendidos coa chegada dunha maleta enviada polo capitán Nemo, que incluía entre outras cousas, unha mensaxe de Jules Verne e unha mensaxe nunha botella, que era unha invitación para realizar unhas viaxes no Nautilus e descubrir os segredos que esconde a Ría de Vigo.

Con tal motivo e en colaboración coa empresa Oceans Secrets, os cales moi amablemente ofrecéronnos a súa colaboración no proxecto e déronnos todas as facilidades posibles para levalo a cabo, os nenos e nenas de infantil do colexio partirán no Nautilus os días 19, 20 e 21 de febreiro ás 16 h da tarde para descubrir a través dun pequeno paseo pola Ría de Vigo, e grazas ao Buque de interpretación Nautilus e a súa avanzada tecnoloxía, os segredos que esconde a nosa Ría.

Deste xeito o proxecto recolle os contidos a traballar na etapa.