Andreu Missé presenta mañá en Pontevedra e Ribeira o seu libro “La Gran Estafa de las Preferentes” da man de Podemos Galicia.

O acto de Pontevedra contará coa participación do economista Fernando Martínez.
Publicado por o día 18/10/2016 na sección de Cultura,Podemos,Pontevedra,Vigo

Andreu Missé presenta mañá en Pontevedra e Ribeira o seu libro “La Gran Estafa de las Preferentes” da man de Podemos Galicia.

Carmen e Rogelio Santos, secretaria xeral e secretario de mar de Podemos Galicia, intervirán en Ribeira.

O xornalista e director da revista Alternativas Económicas Andreu Missé impartirá mañá mércores dúas conferencias nas que presentará o seu libro “La Gran Estafa de las Preferentes”, no que aborda os abusos por parte das entidades bancarias durante os anos da crise e a impunidade coa que actuaron.

A primeira das presentacións terá lugar ás 17.00 na Casa das Campás de Pontevedra (r/ Don Filiberto). O acto contará coa participación do economista Fernando Martínez e do voceiro do grupo parlamentario autonómico de En Marea, Luís Villares.

Posteriormente, ás 20.30, Missé levará a cabo unha segunda presentación, esta vez no Ateneo Valle-Inclán (Praza de Compostela 11) de Ribeira, na que tamén intervirán a secretaria xeral de Podemos Galicia e o secretario de Mar, Carmen e Rogelio Santos, Con estas dúas presentacións, Andreu Missé remata o ciclo de conferencias que nestes pasados días ofreceu da man de Podemos Galicia por algunhas cidades e vilas da xeografía galega.

Andreu Missé i Ferran é un xornalista catalán, licenciado en dereito pola Universidade de Barcelona e director da revista Alternativas Económicas.

Missé iniciou a súa carreira na revista Primera Plana e foi membro fundador de El Periódico de Catalunya. No ano 2009 foi galardoado co premio Salvador de Madariaga e, no 2015 co premio internacional de xornalismo Manuel Vázquez Montalbán.