Anova participará nos actos da Díada neste 11-S

Unha delegación de Anova, encabezada polo Portavoz Nacional Antón Sánchez, participará nas celebracións e mobilizacións deste 11 de setembro en Cataluña, nun momento no que aumentan as presións do executivo de Mariano Rajoy para impedir que a cidadanía poida expresarse libremente no referendo do 1-O.

Desde Anova queren coa sua presenza mostrar o apoio á celebración do referendo do 1-O e as lexítimas aspiracións de liberdade e de cambio político das forzas sociais e políticas que estes anos levan defendendo o dereito a decidir.

“Agardamos que as presións mediaticas, xudiciais e represivas non sexan quen de impedir que os cidadáns de Cataluña poidan decidir, mediante o seu voto, cal queren que sexa o futuro do seu país.”

Mesmo, en recentes declaracións, o presidente da Xunta de Galiza deturpa e rebaixa a lexitimidade da institución que preside nun exercicio indigno de subordinación da administración aos intereses do Partido Popular.

Como antídoto contra o medo que algúns de maneira interesada pretenden inocular na sociedade catalá, percorrerán este 11-S as rúas de Barcelona coas mulleres e homes que apostan, dende un exercicio de democracia radical, pola constitución da República Catalá.

Noticias de última hora en Vigo. Te contamos todo lo que sucede en nuestra ciudad. Desde los sucesos más relevantes hasta artículos de opinión y de interés.

SIGUENOS EN TELEGRAM