APE Galicia recoñece o papel de David Regades como fundador e polo seu traballo en defensa do colectivo de autónomos

Publicado por o día 14/01/2019 na sección de Galicia,Vigo

APE Galicia recoñece o papel de David Regades como fundador e polo seu traballo en defensa do colectivo de autónomos
No marco de clausúraa da décima edición do congreso de traballadores autónomos que se celebrou esta noite en Sanxenxo, a asociación que agrupa a todo ese amplo colectivo quixo outorgar, de forma extraordinaria, un galardón a David Regades polo seu papel como socio fundador de APE Galicia en 2006. Esta distinción, que lle entregou o actual presidente José Ramón Caldas ante máis dos 260 invitados, entre os que se atopaban representantes de institucións e de asociacións de empresarios, así como empresarios e traballadores autónomos de toda Galicia, lembrou como fai xa trece anos un grupo de persoas que defendían os seus intereses profesionais como autónomos no sector da automóbil desde ATRA, a Asociación Autónoma de Empresarios de Talleres de Reparacións de Vehículos de Pontevedra e outros desde Instalectra, a Asociación de Empresarios da Electricidade e Telecomunicacións de Pontevedra, decidiron conformar unha nova asociación que incluíse a todos os autónomos para defender de maneira máis eficaz o papel deste colectivo dentro da economía galega. Grazas a aquel empeño no que o actual delegado do Estado na Zona Franca tivo un papel destacado, naceu APE Galicia, unha Asociación Intersectorial e Interterritorial de Autónomos e Pequenas Empresas que hoxe en día agrupa a 40.000 traballadores autónomos galegos e que loita pola defensa dos seus intereses. Regades manifestou sentirse moi satisfeito de ver como nestes anos APE creceu e consolidouse como unha plataforma eficaz para a defensa dos intereses de miles de profesionais e pequenos empresarios.
 
No transcurso do acto APE entregou os seus galardóns “ Autó[email protected] s [email protected] s 2018” cos que se premiou a traxectoria profesional de doce persoas polo esforzo realizado para sacar a diante ás súas empresas e o emprego creado por cada unha delas.