A Xunta de Goberno Local aprobou esta mañá a concesión da liña de subvencións para o desenvolvemento de actividades de iniciación deportiva durante a tempada 2017/2018, denominadas escolas deportivas. A contía total de subvención é de 140.894,72 euros, repartidos en tres liñas: para as anpas, para grupos especiais, e a convocatoria xeral.

A axuda global concedida ás anpas (5 entidades) do rural é de 14.200 euros; a dos grupos especiais (4 entidades) é de 8.674,72 euros; e a convocatoria xeral (31 entidades) é de 118.020 euros.

A Xunta de Goberno tamén aprobou esta mañá o convenio de colaboración económica coa Federación Española de Balonmán para a celebración do Trofeo Domingo Bárcenas e o Campionato de España de seleccións territoriais de balonmán nas categorías de infantil, cadete e xuvenil que se celebraron na cidade neste ano, por valor de 100.000 euros.

Noticias Vigo

Noticias de última hora en Vigo. Te contamos todo lo que sucede en nuestra ciudad. Desde los sucesos más relevantes hasta artículos de opinión y de interés.