Arde unha casa habitada por sen teito en Arteixo sen que ninguén resultase ferido

Por o 18/09/2018 | Sección: Sucesos
Arde unha casa habitada por sen teito en Arteixo sen que ninguén resultase ferido

Un incendio arrasou esta madrugada unha casa ocupada diariamente por indixentes, en Meicende, na localidade coruñesa de Arteixo.

Afortunadamente, ninguén resultou ferido. Segundo relataron os veciños, o único indixente que ocupaba o inmoble, neses intres, puido saltar pola fiestra, tras propagarse as lapas.

Os Bombeiros de Arteixo que se desprazaron ao lugar nada mais ser alertados polo 112 Galicia, indicaron que o lume foi extinguido pero algún punto que quedaba activo no interior do inmoble seguiría ardendo durante a noite ao non poder acceder por risco de derrube.

Foron varios alertantes que, ao fío da 01:30 horas desta madrugada, alertaron ao 112 Galicia. Indicaban que ardía unha casa, que vían saír lapas polo tellado da mesma, na Travesía de Meirás. A partir de aí, o 112 Galicia pasou de inmediato aviso aos membros de extinción, á Policía Local e aos efectivos de Protección Civil. Ademais, púxose en alerta ao 061-Urxencias Sanitarias, por se nalgún momento fose precisa a súa intervención.

Comentar noticia

Your email address will not be published.