Arrinca a II edición do Curso de Especialización en Electrónica de BorgWarner Vigo

Publicado por o día 13/09/2019 na sección de Formación,Galicia,Vigo

Arrinca a II edición do Curso de Especialización en Electrónica de BorgWarner Vigo

Este venres ás 15.30 horas arrinca a II Edición do Curso de Especialización en Electrónica de BorgWarner Vigo na Escola de Enxeñería Industrial da Universidade de Vigo e que conta coa participación de 20 profesionais. Unha das principais novidades desta segunda edición é que o curso se ha convertido en título oficial de posgrao, abríndose a acoller a persoal profesional doutras empresas.
O obxectivo do curso é responder as necesidades que derivan dos cambios que está a vivir o sector e asumir o reto de desenvolvemento de novos produtos cun compoñente eléctrico e electrónico cada vez maior. Trátase dunha experiencia levada a cabo pola empresa multinacional de compoñentes de automoción no seu afán por expandir o coñecemento do seu equipo de enxeñería en Vigo, na súa maioría de especialización mecánica.
O curso foi deseñado cunha duración de 250 horas e foi desenvolto en colaboración co actual equipo de electrónica de BorgWarner e o departamento de electrónica da Universidade de Vigo. Este ano o programa foi cofinanciado polo programa operativo FSE Galicia 2014-2020, dentro do obxectivo temático 8: promover a sustentabilidade e calidade no emprego e favorecer a mobilidade laboral.
No acto de inauguración do curso, participarán Xoán Hermida, Director do Centro Técnico de BorgWarner de Vigo, José Fariña, Director do Curso, Anxo Sotelo, Coordinador interno do curso,
ademais dos 20 alumnos e alumnas e profesorado da Universidade.

Centro Técnico de BorgWarner

O Centro Técnico – STC ( Spain Technical Centre) está formado por dúas áreas que pertencen a dúas liñas de produto diferente dentro da nosa unidade de negocio, Emissions & Thermal Systems –
ETS. Dentro da liña de produto de “Xestión de Gases de Escape”, o grupo termomecánico é responsable para o desenvolvemento dos enfriadores e módulos EGR, así como para sistemas de recuperación de calor dos gases de escape ( EHRS). Dentro da liña de produto de “Electrónica de Potencia”, o grupo de electrónica é responsable do desenvolvemento das PCBA’ s (placas electrónicas) para mellorar a funcionalidade dos produtos de BW.
BorgWarner mellora e desenvolve novos produtos, atendendo e adaptándose á situación do mercado, para mellorar a competitividade do negocio, ofrecendo soporte técnico ás plantas produtivas, así como capacidades de deseño, simulación, prototipos e ensaios.