“As tres Reinas Magas” clausuran o segundo semestre de Vigocultura con marca de asistencia

A programación de artes escénicas e musicais “Vigocultura”, organizada no Auditorio Municipal, porá fin á súa edición 2016 este vindeiro domingo día 18, batendo marcas de asistencia. “As tres Reinas Magas” será o espectáculo que clausurará a programación deste segundo semestre.
Por o 15/12/2016 | Sección: Concello de Vigo,Cultura,Vigo
“As tres Reinas Magas” clausuran o segundo semestre de Vigocultura con marca de asistencia
Compartir en:

No ano 2016 os datos de asistencia incrementáronse nun 60% respecto a anos anteriores, de forma que a media por función elevouse en 60 espectadores máis. Así pois, case 9.000 espectadores se achegaron ao auditorio para ver os espectáculos ofertados nesta programación no ano que remata. A última función do pasado domingo día 11, ofrecida pola compañía de teatro Yllana, foi vista por 557 persoas, levando practicamente un mes as entradas esgotadas.

Da magnífica poesía de Gloria Fuertes, a imaxinación colorida de Agatha Ruíz de la Prada e a creatividade escénica de María Briones, “Las tres reinas magas” fan unha parada moi especial en Vigo. Unha obra de teatro familiar chea de diversión e tenrura, donde as esposas de Melchor, Gaspar e Baltasar, teñen que encargarse de axudar aos seus homes, que andan noutras leiras, para levar a todos os nenos e nenas do mundo os seus xoguetes.

Elas, que son simpáticas, valentes, divertidas e moi diferentes entre sí, pero grandes amigas, adoran aos animais, e por iso, deciden realizar o camiño cara Belén en bicicleta. Atravesando Pontevedra, farán unha parada en Vigo, para visitar ás súas xentes e felicitar a todos os nenos e nenas que se teñan portado ben.

Pero antes, terán que pasar divertidas aventuras seguindo a estrela e chegar ao neno… o conseguirán?

Ao rematar as funcións as súas maxestades recollerán as cartas e se farán fotografías co público que así o desexe.

Texto: Gloria Fuertes
Vestiario: Agatha Ruíz de la Prada
Dirección: María Briones
Dirección musical: Miguel Tubia
Dirección técnica: Juan Manuel Mancebo
Arte: Carmen Pernia
Elenco artístico: Emma Barrena, María Briones e Lydia Ruíz

Lugar: Auditorio Municipal do Concello
Data: domingo 18 de decembro, ás 12:00 e 18:00 h
Prezo: 5 €
Idade recomendada: a partir de 3 anos
Duración: 50 minutos

As entradas poderán adquirirse anticipadamente, sen gastos de xestión, ao mesmo prezo que no despacho de billetes a través da páxina web www.ataquilla.com e no teléfono 905504500. Tamén na Central de Espectáculos (Velázquez Moreno 26), en horario de 10 a 13 e de 17 a 20 horas de luns a venres e de 10 a 13 horas os sábados e na sede de Afundación (Policarpo Sanz 26), en horario de 10 a 13 e de 17 a 20,30 horas, de luns a venres e de 10 a 13 horas os sábados.

O mesmo día do espectáculo a partir dunha hora antes do comezo no despacho do billetes do Auditorio (sempre que houbese entradas disponibles).