O pleno da Corporación celebrado o pasado martes aprobou unha modificación de créditos por importe de 119.237,85 €, financiado co superávit orzamentario de 2017.

Deste suplemento de crédito vanse destinar 53.117,84 €, á compra de terreos para a construción dunha nova depuradora en Perdecanai, que dará servizo ademais desta parroquia a diversos lugares de Agudelo, Valiñas e Barro.

Tamén se aprobaron outras partidas de 33.746,80 € e 20.742,10 € para a ampliación e consolidación de viais.

E a última actuación para a que se consignaron 11.631,11 € será destinada á ampliación dun local multiusos no campo de fútbol do Outeiro.

Para o alcalde a consignación desta partida económica destinada á compra de terreos é un paso máis para avanzar no obxectivo de chegar co servizo de saneamento a todos os vecinos do concello.

Noticias Vigo

Noticias de última hora en Vigo. Te contamos todo lo que sucede en nuestra ciudad. Desde los sucesos más relevantes hasta artículos de opinión y de interés.