BNG e PSOE asinan un acordo de goberno para o mandato 2019-2023

O alcalde e candidato Miguel Anxo Fernández Lores amosouse satisfeito polo acordo baseado “na lealdade e respecto mútuos”.
Publicado por o día 13/06/2019 na sección de BNG,Galicia,Pontevedra,PSOE

BNG e PSOE asinan un acordo de goberno para o mandato 2019-2023

O Bloque Nacionalista Galego e o Partido Socialista asinaron esta mañá un acordo de goberno para o mandato 2019-2023 escenificado entre o candidato do BNG e actual alcalde, Miguel Anxo Fernández Lores e o candidato
do PSOE, Agustín Fernández.

Na comparecencia pública na que apuntaron os acordos programáticos que rexerán o goberno de coalición dos vindeiros catro anos, Miguel Anxo Fernández Lores amosou a súa “satisfacción” polo acordo que se basea na “lealdade e respecto mutuo das forzas políticas para os vindeiros catro anos”. Destacou a autonomía nas áreas de xestión de  cada grupo, “independentemente de que vai ser unha actuación coordinada e se hai algún conflito tentar resolvelo polas vías establecidas de discrepancia”. Para este fin o acordo de goberno recolle unha comisión de seguimento.

Os principios programáticos do acordo son: cohesión social, respecto pola identidade propia, equilibrio territorial, equidade, políticas redistributivas en beneficio das persoas con máis dificultades e limitacións, fomento da igualdade real, posta en valor dos recursos naturais e culturais e respecto pola diversidade.

Fernández Lores tamén apunto que “queremos mellorar entre as dúas forzas políticas a calidade de vida de todos os cidadáns e potenciar o dinamismo económico da cidade, a proxección exterior cun enfoque destinado á mellora do medio ambiente en xeral, que será un eixo fundamental porque entendemos que non hai futuro nin progreso se non respectamos o medio ambiente”.

O impulso ao sector creativo da cidade e a recuperación da ría son outros dos piares do acordo porque “xa pasou a época das cidades industriais”.

Una respuesta para "BNG e PSOE asinan un acordo de goberno para o mandato 2019-2023"

  1. Renata   13/06/2019 at 19:50

    vai ser unha actuación coordinada e se hai algún conflito.

    Responder

Comentar noticia

Your email address will not be published.