O BNG de Mos: contradicción sobre as mocións

Os nacionalistas mosenses critican ao goberno queixándose de que “sempre votan en contra” das súas propostas, cando a realidade é que se lles apoia cando son coherentes
📣 Publicado por el 11/04/2017 en la sección de BNG - Galicia - Mos - Partido Popular - Política - Vigo

O BNG de Mos: contradicción sobre as mocións

A alcaldesa de Mos destaca a contradicción na que incurre o BNG mosense atribuíndose o mérito da oficina de información catastral posta en marcha polo Concello. Di o voceiro nacionalista, Miguel Anxo Aldea que “a oficina porase en marcha grazas a unha moción que o grupo nacionalista presentou o pasado mes de setembro de 2016”, e que, por certo, os membros do grupo de goberno do Partido Popular lle votaron a favor.

Curioso que o señor Aldea faga agora estas declaracións cando fai poucos días, e en relación coa moción pedindo melloras no colexio de Atín que xa están en marcha, os nacionalistas queixábanse públicamente nos medios de comunicación de que o goberno local lles votaba sempre as súas mocións en contra.

É por elo que agora a rexedora local, Nidia Arévalo, sorpréndese de que o BNG ‘onde dixo digo diga Diego’ e sala declarándose merecedor do mérito de habilitar unha oficina municipal de información por ter presentado fai meses unha moción sobre este tema.

Insiste Arévalo en que sempre que o BNG leva a Pleno mocións coherentes dende o grupo de goberno as apoiamos e llas votamos a favor. Tal foi o caso das dúas últimas mocións nacionalistas presentadas, unha na sesión plenaria ordinaria do mes de decembro de 2016 relativa á estrada Puxeiros-Mos, na que se instaba á Deputación a humanizala; e outra no Pleno de xaneiro deste ano, relativa á imposición dunha taxa polo uso do dominio público local por parte das empresas eléctricas e de subministro de gas ou hidrocarburos; ou esta mesma sobre a regularización catastral.

É por elo que a rexedora local aclara que “non votamos a favor das mocións demagóxicas, pero sí das que son coherentes coma esta”. E concluiu sentenciando que “o BNG de Mos debería ter un discurso político claro e alonxado de contradiccións coma a de criticar primeiro ao goberno por non votar as súas mocións a favor e, logo, poucos días máis tarde, jactarse de que un servizo municipal se puxo en marcha grazas a unha moción súa que o equipo de goberno local votou a favor”.