Caballero agradece a labor da Garda Civil na inauguración da súa nova sede no Porto de Vigo

O alcalde participou este mércores na estrea das novas instalacións do Garda Civil no Peirao do Comercio do Porto de Vigo. Abel Caballero destacou o “papel fundamental” do Instituto Armado en defensa da unidade de España e mencionou a cooperación coa Autoridade Portuaria de Vigo para salvar as trabas urbanísticas que permitiron acondicionar a zona.
Publicado por o día 28/02/2018 na sección de Concello de Vigo,Galicia,Vigo

Caballero agradece a labor da Garda Civil na inauguración da súa nova sede no Porto de Vigo

O alcalde de Vigo, Abel Caballero, agradeceu este mércores a labor desempeñada pola Garda Civil na defensa da unidade de España. O rexedor destacou o papel da Benemérita durante o seu discurso na inauguración das novas instalacións no Peirao de Comercio do Porto de Vigo.

“A Garda Civil e a Policía son as vertebradoras da sociedade e a cidade recoñece o seu traballo e servizo porque o máis importante é que Vigo sexa unha cidade segura”, sinalou Caballero. Tamén referiuse ás instalacións como “as da dignidade que deberían de ter todos os servidores do publico”, polo que sinalou que “mereceu a pena a cooperación co Porto para arranxar dentro da legalidade a traba urbanística que houbo que solucionar”.

Ademais, o alcalde apuntou ao “papel fundamental” da Garda Civil na defensa e unidade de España e amosou o seu “orgullo e agradecemento para un corpo de seguridade que cada vez terá que ter máis axentes aquí, porque o aeroporto seguirá crecendo”.