Caballero celebra a aposta do deporte vigués por Samil agora co Memorial Alfonso Varela de atletismo

O alcalde de Vigo, Abel Caballero, acompañado polo edil de Deportes, Manel Fernández, o presidente do Club Atletismo Veteranos de Samil, Modesto Comesaña, e por patrocinadores privados e atletas, presentou a primeira edición da Popular Praia de Samil-Memorial Alfonso Varela, que se vai correr este domingo polo areal urbano vigués (10,30 horas).
Publicado por o día 24/09/2019 na sección de Concello de Vigo,Galicia,Vigo

Caballero celebra a aposta do deporte vigués por Samil agora co Memorial Alfonso Varela de atletismo

O rexedor felicitouse porque este evento “aproveita o que representa a efectos do deporte en xeral e do atletismo en particular a praia de Samil, un lugar onde cada vez máis competicións e de máis relevancia teñen lugar”, explicou.

Aproveitando a baixamar, a saída darase na praia xusto fronte ao complexo deportivo municipal de Samil, e será un percorrido de 8 km. que chega ata a praia da Fonte e que pasará polo túnel que hai na mesma para acceder ao piñeiral e regresar á area para volver ao complexo deportivo municipal de Samil. “Combinaremos a area mollada con outra parte seca e un minicross”, resumiu Comesaña.

De feito, esta “é unha carreira totalmente diferente e que non había en Vigo”, anunciou o directivo, que lembrou que Samil é “a base de operacións do club” (alí naceu en 1998), e que a proba “é única por ser a mellor praia do mundo”.

Polo de agora hai 200 inscritos cun 23% de participación feminina. As inscricións (para federados e non federados dos 16 anos en diante) pecharanse este xoves e hai oito categorías masculinas e outras tantas femininas. Haberá tamén premio ao atleta máis veterano en categoría masculina e na feminina.

Comentar noticia

Your email address will not be published.