Publicado por 
O deputado de Cooperación, Carlos López Font, vén de anunciar que a Deputación de Pontevedra aprobou a través de sendas resolucións presidenciais as tres primeiras achegas da Cañiza ao abeiro do Plan Concellos 2019. En concreto, a vila da Paradanta recibirá 38.636,76 euros para mellorar o acceso da Cerdeira a Cota-Choza, 38.599,96 euros para a mellora de camiños municipais en Candar, Toural e Cota, e 10.764,72 para a mellora da seguridade viaria e a humanización do entorno do CPI A Cañiza, obra tamén financiada polo Plan DepoRemse.
Desde o inicio de lexislatura o goberno de Carmela Silva financiou na Cañiza, ao abeiro do Plan Concellos, un total de 16 obras. En concreto, no ano 2018 a institución provincial realizou seis achegas para que o concello da Paradanta puidera levar a cabo a urbanización do parque central, por 383.217,15 euros; o subministro e colocación de luminarias no parque central do concello, por 20.000 euros; a humanización da praza de Valeixe, por 71.069,37 euros; a adquisición dun vehículo compactador de residuos sólidos urbanos, por 140.646,58 euros; a ampliación e mellora das instalacións deportivas do ximnasio municipal, por 60.499,99 euros e o saneamento en Foxo, por 119.613 euros.
Amais, neste 2018 a Deputación de Pontevedra adxudicou 51.598,69 € no que corresponde á liña 2 e tamén outros 122.361,75 € que foron destinados á financiación da contratación de 18 traballadoras e traballadores que están a desempeñar funcións no concello, dentro da liña 3 de emprego.
O goberno de Carmela Silva, ao abeiro do Plan Concellos, ten investido na Cañiza durante esta lexislatura un total de 2.107.429,31 euros.
Noticias de última hora en Vigo. Te contamos todo lo que sucede en nuestra ciudad. Desde los sucesos más relevantes hasta artículos de opinión y de interés.
