Carmen Santos salienta o novo escenario resultante da moción de censura e as próximas elecións municipais como principais retos a afrontar

A formación morada celebra durante todo o día en Santiago unha xornada de formación que xira, sobre todo, sobre este dous eixos.
Publicado por o día 11/06/2017 na sección de Podemos,Política,Vigo

Carmen Santos salienta o novo escenario resultante da moción de censura e as próximas elecións municipais como principais retos a afrontar

A secretaria xeral de Podemos Galicia, Carmen Santos, presentou a xornada de Formación que está a celebrar o partido ao longo de todo o día en Santiago como outro dos mandatos saídos de Vistalegre2, co obxecto de mellorar o traballo organizativo ante o novo escenario que supón a dita asamblea e ante os retos máis inmediatos, nomeadamente as elecións municipais.

Carmen Santos, en declaración aos medios, explicou tamén que un dos temas que abordarán é o da moción de censura presentada polo grupo confederal Unidos Podemos- En Comú Podem-En Marea e que se debatirá o próximo martes no Congreso, pois tamén marcará un antes e un despois na folla de ruta da organización morada.

Neste sentido, insistiu en que cada día que pasa están máis convencidos e convencidas de que é necesario plantexar unha alternativa ao goberno do Partido Popular, “o primeiro partido imputado da historia da democracia, lembrou; algo inadminisible ante o que non podiamos quedarnos sen facer nada”.

A secretaria xeral afirmou que este tipo de xornadas formativas están a desenvolverse en todos os territorios, dirixidas tantao a cargos técnicos como cadros políticos de Podemos, “ante o reto de seguir afondando nas políticas que queremos implementar dende as institucións”.

Para Santos, traballar en políticas pensadas para a “xente do común” require de debate entre todos e todas, de diferentes estudos e de formacións nas diferentes ferramentas para poder implementalas.

Municipalismo

Reiterou que o primeiro reto é o das elecións nos concellos, por iso o encontro de hoxe focalizous especialmente “no municipalismo, tanto nas cuestións técnicas e administrativas de cómo se funciona nun concello como nas relativas ao Parlamento, cómo traballamos nós os deputados e deputadas co obxecto de poder levar a cabo accións coordinadas entre ambas institucións”.

A secretaria xeral quixo pór en valor que nestes momentos “hai compañeiras concelleiras e tamén con responsabilidades de goberno nalgúns concellos, polo que temos que aproveitar esta capital humano para pensar todas xuntas”.

A xornada tamén reservará tempo para formacións máis específicas sobre temas claves nestes momentos na axende como a sanidade, o ensino, o feminismo ou o benestar.

Manifestación okupa

Por outra parte, a preguntas dos xornalistas sobre a manifestación que se vai celebrar esta tarde en Santiago dun movimento okupa, expresou o respecto máis absoluto á mesma, por ser un dereito fundamental. Ironizou co feito de que, cecais, non sexa o tipo de movilización “tradicional á que estamos afeitos” mais rexeitou que este xeito de expresarse se condidere unha acción “antisistema”.

Para Carmen Santos, o que é verdadeiramente antisistema é, por exemplo, as actuacións do bancos, a venda por un euro do Banco Popular, como o caso máis reciente, ás costas de milleiros de aforradores e aforradoras que acaban de perder o seu traballo de toda unha vida.

“Se hai algo antisistema neste país –engadiu- é toda esta xente que, empregando lexislación que se fixo dende os parlamentos, perxudica ás maiorías, normalmente ás máis desfavorecidas, ademais”.

Santos concluiu asegurando que un okupa non é máis que a canalización do descontento do que está pasando neste país e por iso, mentres non se produza ningún tipo de acción violenta, “pero de ningún tipo, porque a violencia institucional tampouco é asumible”, dende Podemos respectarase calquera manifestación deste tipo de colectivos.