Carpa informativa sobre reciclaxe na feira de San Cosme

Estará instalada o domingo 22 de abril en horario de 10.30 horas a 13.30 horas
Publicado por o día 13/04/2018 na sección de Galicia,Mos

Carpa informativa sobre reciclaxe na feira de San Cosme

O concelleiro de Medio Ambiente mosense, Cándido Pérez, informa de que a campaña autonómica promovida pola Xunta de Galicia e Ecoembes ‘Separar con xeito para reciclar a feito!’ chegará a Mos o vindeiro domingo 22 de abril, concretamente á feira que tódolos domingos se celebra no Alto de San Cosme, parroquia de Cela.

A carpa informativa estará instalada no Alto de San Cosme de 10.30 horas a 13.30 horas dando directrices e pautas aos particulares interesados de como separar correctamente os residuos domésticos. A campaña incidirá ademais na importancia de diferenciar os tipos de residuos inorgánicos.

A campaña ‘Separar con xeito’, promovida pola Dirección Xeral de Calidade Ambiental e Cambio Climático da Xunta de Galicia e Ecoembes,  estará presente en 350 feiras (entre elas a mosense de San Cosme) e eventos gastroculturais, co fin de fomentar prácticas responsables en torno á reciclaxe de plásticos, envases lixeiros, papel e cartón.

O edil Cándido Pérez explica que “esta iniciativa lévase a cabo para estimular á veciñanza a que poña en práctica a reciclaxe de residuos, así como o xeito correcto de facelo”.