Un total de catro persoas resultaron feridas esta mañá nun accidente múltiple en Santiago de Compostela.
O accidente ocorreu minutos antes das 08:00 horas, na AG-56, á altura de Laraño. Tras recibir o aviso a través do persoal sanitario, o 112 Galicia solicitou a colaboración dos axentes de Tráfico e informou aos Bombeiros e aos efectivos de Protección Civil da cidade.
Unha vez no punto, os axentes confirmaron que, finalmente, foron cinco vehículos os implicados e catro persoas resultaron feridas de carácter leve.
