Catro meses máis para rematar o campo de herba sintética de Ponte Sampaio

A empresa adxudicataria renunciou no mes de abril ao proxecto que tivo que ser retomado pola UTE E.C.CasasImesapi.
Publicado por o día 26/08/2019 na sección de Galicia,Pontevedra

Catro meses máis para rematar o campo de herba sintética de Ponte Sampaio

A Xunta de Goberno aprobou esta mañá a prórroga de catro meses para o remate das obras do Campo de fútbol de herba sintética de Ponte Sampaio, que está a executar a Unión Temporal de empresas E.C.Casas – Imesapi, logo da renuncia da empresa Ediserpo no mes de abril. O custe da obra é de 1.163.536 euros e o ritmo dos traballos ían atrasados ao respecto dos prazos de execución, precisamente, pola renuncia da empresa adxudicataria xa que foi preciso iniciar unha nova tramitación para que se puidera entregar a obra a UTE actual.

O proxecto vai máis alá da construción do campo, xa que tamén se inclúe a demolición das actuais instalacións deportivas e estender o espazo de lecer até a praia fluvial. O campo de fútbol de Ponte Sampaio está situada nunha parcela de 11.000 metros cadrados, terá unhas dimensións homologables e no que poderá xogarse dous partidos de fútbol 7 (agora 8) ao tempo. A instalación deportiva contará con dúas zonas de vestiario para árbitros e xogadores; unha grada; cantina; baños públicos e área de almacéns.

O proxecto inclúe melloras nas instalacións e equipamentos, 5 anos de mantemento do céspede e máis o derrube do vello campo.

A construción do novo equipamento vai a permitir ampliar a zona de praia do río Verdugo, ampliar os espazos verdes e de xogos infantís e mesmo crear unha pérgola deportiva multiusos e ampliar o aparcamento. Suporá unha remodelación de arredor de 30.000 metros cadrados