Catro persoas feridas, entre elas un menor, nun accidente ocorrido en Bergondo

Publicado por o día 26/02/2020 na sección de Sucesos

Catro persoas feridas, entre elas un menor, nun accidente ocorrido en Bergondo

Catro persoas resultaron feridas, entre elas un menor, despois de producirse un accidente entre dous turismos que circulaban pola DP-0812, concretamente á altura do cruceiro de Obra de Paño, en Lubre, no concello coruñés de Bergondo.

Todo ocorreu ao fío das 20:30 horas da pasada tarde cando, a esa hora, unha persoa particular alertaba ao 112 Galicia dun golpe moi forte no cruce do Cruceiro. Aseguraba que os danos eran unicamente materiais, polo que non era precisa a intervención dos medios sanitarios.

Con estes datos, desde o 112 Galicia informouse aos axentes de Tráfico, da Policía Local e aos efectivos de Protección Civil da localidade e de Sada. Nada mais chegar ao punto, os efectivos de Protección Civil comprobaron, que debido ao forte impacto e aos danos causados, eran necesarios os medios sanitarios para atender a unha persoa ferida e medios para a limpeza da vía. Foi entonces, nese intre, cando os xestores do 112 deron conta dos feitos ao persoal do Servizo de Urxencias Sanitarias de Galicia-061 e aos Bombeiros de Betanzos.

 Finalmente, os servizos sanitarios confirmaron que foron catro persoas as que resultaron feridas, entre elas un menor.