Axentes do SINTRA, realizaron labores de vixilancia e control de vehículos, encadradas no ámbito da seguridade viaria.

Así na mañá de onte ás 12:14 horas, atopábanse realizando unha inspección de transportes na estrada de Clara Campoamor, procederon á inspección dun furgón de mercadorías.

Observaron que o vehículo tiña unha das súas rodas parcialmente desinflada, situación que afecta á adherencia do vehículo, e por extensión á seguridade.

Entrevistándose co condutor, F. C. E, de Gondomar e 43 anos de idade, detectaron que mostraba signos externos do consumo recente de substancias estupefacientes.

En consecuencia procederon a sometelo á preceptiva proba de detección de drogas, arroxando un resultado positivo en cocaína e cannabis.

Cursouse a correspondente denuncia administrativa por este tema, así como polo estado do pneumático, co apercibimento de proceder á inmobilización do vehículo de non ser emendada esta anomalía.