CCOO e UGT denunciamos a enganosa revalorización das pensións acordada entre o Goberno e o PNV para aprobar os orzamentos Xerais do Estado.

Publicado por o día 14/05/2018 na sección de CC.OO,Sindicatos,UGT

CCOO e UGT denunciamos a enganosa revalorización das pensións acordada entre o Goberno e o PNV para aprobar os orzamentos Xerais do Estado.

O vindeiro mércores día 16, ás 12 do mediodía, diversas organizacións de pensionistas convocan unha nova mobilización unitaria, en defensa do sistema público de pensións, pola derrogación da reforma de 2013, na súa totalidade, e para denunciar a enganosa revalorización das pensións acordada entre o Goberno e o PNV para aprobar os orzamentos Xerais do Estado.

Os sindicatos CCOO, UGT, a organización Viúvas Democráticas, a UCE, co apoio dos partidos políticos PSOE e EU, e outras organizacións sociais, convocan unha nova mobilización o próximo mércores día 16, ás 12 do mediodía, cunha concentración diante do MARCO, na rúa do Príncipe, e a continuación unha manifestación ata a Porta do Sol.

As concesións do Goberno ao PNV,durante a negociación dos Orzamentos Xerais do Estado, puxo de manifesto que os sindicatos CCOO e UGT tiñan razón cando dicían que había cartos para a revalorización das pensións de acordo co incremento do IPC e que o problema fundamental era a ausencia de vontade política por parte do Goberno.

As organizacións convocantes denuncian que a revalorización acordada é insuficiente porque só garante a súa vixencia para os anos 2018 e 2019 pero, ao mesmo tempo, segue en pé a reforma do PP de 2013 -tanto o Índice de Revalorización de Pensións como o Factor de Sostibilidade- que supuxo a ruptura do Pacto de Estado sobre as pensións, motivo polo que estas organizacións esixen que a dita reforma ten que ser derrogada na súa totalidade.

CCOO e UGT, avalados por economistas de recoñecido prestixio, sosteñen que o sistema público de pensións é viable no futuro mediante un financiamento sostible e suficiente, aplicando políticas equitativas de redistribución da riqueza, activando un sistema impositivo progresivo e asegurando condicións de traballo dignas e de calidade en cada centro de traballo.

Para iso son necesarias ter claras algunhas liñas mestras de actuación como son a solidariedade interxeracional e interterritorial e a defensa da caixa única de pensións.