Un cento de maiores participa na excursión do Concello de Nigrán ao Carballiño

Forma parte do programa de Turismo Social do Concello e inclúe a visita ao templo de Veracuz, paseo fluvial polo Arenteiro e visita aos muíños.
Por o 25/10/2017 | Sección: Galicia,Nigrán
Un cento de maiores participa na excursión do Concello de Nigrán ao Carballiño
Compartir en:

Un cento de maiores de Nigrán participan hoxe na excursión ao Carballiño (Ourense) organizada polo Concello de Nigrán dentro do seu programa de turismo social destinado á veciñanza da terceira (viaxe inicialmente prevista para o día 19 pero que foi posposta polo loito oficial do Concello de Nigrán).

En total, 107 xubilados partiron hoxe ás 8.30 horas dende o consistorio, estando o regreso estimado ás 21:00 horas. A viaxe incluíu visita ao tempo de Veracruz (onde foron recibidos polo alcalde de O Carballiño), comida, paseo fluvial polo Río Arenteiro e visita aos muíños. A visita ao Mosteiro de Oseira foi anulada ao estar pechado trala vaga de lume que tamén afectou a esta zona.

Trátase da segunda edición do programa de turismo social do Concello de Nigrán, este arrancou o mes pasado cunha visita ás terras do Salnés e se realizarán máis de aquí a final de ano. O Goberno local de Nigrán entende que viaxar “non só serve para descubrir lugares novos, senón que apórtanos moítisimos beneficios especialmente útiles para as persoas maiores, como a mellora do ánimo, aumento da creatividade, mellora da capacidade de resolver problemas, estimulación da actividade cerebral e reconstituínte da memoria e da atención”.